Berolini vivimus, in urbe capite Germaniae, ubi solemus congregari inde a multis annis sub nomine Circuli latini Berolinensis. Nobis proposuimus ut diffundamus inter omnes gentes notitiam linguae Latinae, cum putemus provehi non posse concordiam et pacem nisi per litteras quae informent animum ad cultum et humanitatem.

Ad quas litteras ut propius accedamus, ut exuamus feritatem et induamus humanitatem, putamus non solum esse opportunum sed etiam iucundum colere linguam et Latinam et Graecam, quae audiendo et loquendo facillime discuntur.  Favemus ergo rationi Ørbergianae q.d.

Coniuncti sumus vinculo amicitiae cum Academia Vivarii Novi, cui multum debemus maximamque habemus gratiam.

Te invitamus ad scholas nostras proxime futuras!